Mixlar va devor

Bir bola juda jahldor ekan. Otasi unga bir qop mix berib: «Har safar jahling chiqqanda, devorga bitta mix qoq», — debdi.

Birinchi kuni bola devorga o'ttizdan ortiq mix qoqibdi. Kunlar o'tib mixlar soni kamaya boshlabdi: jahlni tiyish mix qoqishdan osonroq ekan.

Nihoyat, bir kuni bola birorta ham mix qoqmabdi. Otasi: «Endi har kuni jahlingni tiya olsang, bitta mixni sug'urib ol», — debdi.

Oxirgi mix ham sug'urib olingach, otasi o'g'lini devor oldiga olib kelibdi: «Barakalla. Ammo devordagi teshiklarga qara. Devor hech qachon avvalgidek bo'lmaydi. Jahl ustida aytilgan so'z ham shunday iz qoldiradi.»

Kechirim so'rash mumkin, ammo aytilgan so'zni qaytarib olib bo'lmaydi.